我個名叫麥兜兜，我阿媽叫麥太太，
我最喜愛食麥甩咯，一起吃雞一起在歌唱。

我個名叫麥兜兜，我老師叫 Miss Chan Chan，
我最喜愛食碟頭飯，一起吃雞一起在歌唱。

但現實就似一隻鴨，一定要 Duck。
唔得！唔得！點算？點樣令隻雞變做鴨？
含住個雞包仔，望住四寶雞扎：
可嘆現實係要一隻鴨，加塊荔芋共我一起扎。

我最喜愛食雞，我最喜愛食雞 Pat Pat，
我最喜愛食豉油王雞翼，一起吃雞一起在歌唱。

我最想吃雞，我最終變臘鴨！鴨！鴨！鴨！鴨！

兜：唔該我要一個常餐啦！
太：常餐？常餐有乜食？
侍：同特餐一樣咯。
太：咁特餐係乜？
侍：同快餐咁上下咯。
太：咁快餐又係乜？
侍：車，快餐咪即係午餐。
太：午餐食乜？
侍：午餐同晚餐一樣。
太：咁晚餐又食乜呀？
侍：晚餐咪即係常餐囉。
太：咁呀，咁就要兩個常餐啦！
侍：好呀，我今日常餐。

侍：唔好意思，常餐賣哂。
兜：唔，咁改要特餐丫！
太：特餐？特餐有乜食？
侍：特餐咪即係午餐囉。
太：午餐食乜？
侍：都係晚餐囉。
太：咁乜係晚餐呀？
侍：同快餐一樣咯。
太：咁快餐食乜？
侍：唉，快餐咪即係常餐囉。
太：咁你頭先又話冇常餐？
侍：係，常餐係賣哂，咁你試唔試特餐丫？
太：兩份特餐！

侍：唔好意思，特餐賣哂。
兜：唔，媽媽，不如改快餐啦！
太：快餐有乜？
侍：快餐即係常餐。
太：咁常餐有乜？
侍：常餐咪即係午餐囉。
太：哎，咁午餐有乜食呀？
侍：午餐同晚餐一樣格。
太：咁晚餐呢？
侍：晚餐咪即係特餐囉。
太：車，咁你求先又話冇特餐？
侍：係，特餐係賣哂，咁你試唔試個快餐丫？一樣。
太：咁兩份快餐！

侍：唔好意思，冇快餐呀。
太：離唔離譜呀？咁你究竟有乜餐呀？
侍：午餐啦，午餐好呀！
太：點好法呀？
侍：同晚餐一樣咁好。
太：咁晚餐有點好法呀？
侍：同常餐一樣咁好咯。
太：咁常餐有點好法呀？
侍：常餐？常餐一早賣哂啦，妳話好唔好丫。
太：好啦好啦，要兩份午餐啦！

侍：唔好意思，午餐賣哂，試唔試我晚餐丫？一樣。
太：日光日白食乜鬼晚餐呀？
侍：唉，個名叫晚餐，其實咪即係午餐。
太：好啦好啦，怕你啦，要兩份晚餐呀，快手呀！
侍：想快？想快就要快餐啦！